കഥാപ്രസംഗക്കാരന്റെ മുണ്ട് ( ഹാസ്യം )

പണ്ട് , അതായത് പത്തുനാല്പതു കൊല്ലം മുന്‍പ് ഉത്സവപ്പറമ്പുകളിലെ രാത്രിപരിപാ‍ടിയില്‍  കഥാ പ്രസംഗം മുഖ്യ പങ്കുവഹിച്ചിരുന്ന കാലമുണ്ടായിരുന്നു.
അങ്ങനെയൊരു ഉത്സവക്കാലത്തെ കഥാപ്രസംഗത്തിലാണ് ഈ സംഭവം നടന്നത് .
സമയം രാത്രി ഒമ്പതു മണി.
കഥാപ്രസംഗം ആരംഭിച്ചു കഴിഞ്ഞു .
കാഥികന്‍ കഥയുമായി മുന്നേറുകയാണ്.
കാണികള്‍ എല്ലാവരും കഥയില്‍ ലയിച്ചിരിക്കുകയാണ് .
പക്ഷെ ; ഒരു പ്രശ്നം!
എന്തെന്നുവെച്ചാല്‍ ?
കാഥികന്‍ ഇടക്കിടക്കെ മുണ്ട് മുറൂക്കി ഉടുക്കുന്നു.
ഇത് കാണികള്‍ക്ക് അസ്വസ്ഥത ഉളവാക്കിത്തുടങ്ങിയിരിക്കുന്നു.
ഇതിപ്പോള്‍ പത്താമത്തെ പ്രാവശ്യമാണ് ഇയാള്‍ ഈ വൃത്തികെട്ട പണി ചെയ്യുന്നത് എന്ന് ഒരാള്‍ മറ്റൊരാളോട് രഹസ്യമായി പറഞ്ഞു.
ഇത് ഇങ്ങനെ വിട്ടാ ശരിയാവില്ല ; കഥയൊക്കെ നല്ലതുതന്നെ പക്ഷെ പെണ്ണുങ്ങളുടെയും കുട്ടികളുടേയും മുന്നില്‍‌വെച്ച് മുണ്ട് മുറുക്കി ഉടുക്കുകയോ ?
അത് ശരിയാവില്ല .
വീണ്ടും അത് നടന്നു.
കാഥികന്‍ മുണ്ട് മുറുക്കി ഉടുത്തു.
സഹികെട്ട ഒരാള്‍ എണീറ്റുനിന്ന് ഉറക്കെ ചോദിച്ചു.
ഈ ചെയ്യുന്നത് ഭയങ്കര വൃത്തികെട്ട പണിയാ
ഉടന്‍ കാഥികന്റെ മറുപടി വന്നു.
മറുപടികേട്ട് കാണികള്‍ ആര്‍ത്തു ചിരിച്ചൂ
കാഥികന്റെ മറുപടി ഇപ്രകാരമായിരുന്നു.
“ഇങ്ങനെ ചെയ്തില്ലെങ്കില്‍ അതിലും ഭയങ്കര വൃത്തികേടാ”

ഹേ മനുഷ്യാ ? നിങ്ങള്‍ ഒരു കസേര മനുഷ്യനാണോ ?

Kindle Wireless Reading Device, Wi-Fi, 6" Display, Graphite - Latest Generationതലക്കെട്ടില്‍ നിന്നുതന്നെ മനസ്സിലായിട്ടുണ്ടാകും കാര്യം!! 
കാരണമെന്തെന്നാല്‍ ഇപ്പോഴത്തെ മനുഷ്യന്മാരുടെ ഒരു കാര്യമേ ?
അത് ഇങ്ങനെയാ ?
നിലത്ത് കുന്തുകാലില്‍ ഇരിക്കുന്ന രീതി തന്നെ അവന്‍ അഥവാ അവള്‍ മറന്നു പോയിരിക്കുന്നു.
ഹോ , കഷ്ടം .
എന്നീട്ട് എന്തിനീ കുടവയര്‍ വെച്ചു നടക്കുന്നു
എന്തിനീ മലബന്ധം വച്ചുകൊണ്ട് നടക്കുന്നു.
(ഗ്യാസ് ട്രബിള്‍ വച്ചുകൊണ്ടു നടക്കുന്നു.
 ഓക്സിജന്റെ അഭാവത്തില്‍ ഭക്ഷ്യവസ്തു ചീഞ്ഞളിയുകതന്നെയാണ് ഇവിടെയും നടക്കുന്നത്
ഒരു മൊബൈല്‍ ബയോഗ്യാസ് പ്ലാന്റ് ?)
ജനിച്ചത് തന്നെ കസേരയിലായിട്ടാണോ ?
ബസ്സില്‍ അഞ്ചുമിനിട്ടേ യാത്രയുള്ളുവെങ്കിലും തിക്കിത്തിരക്കി സീറ്റില്‍ കയറിയിരിക്കുന്ന മനുഷ്യാ നീ നന്നാവില്ല?
പണ്ട് മനുഷ്യന്‍ ടോയ്‌ലറ്റിലെങ്കിലും സ്വന്തം കാലില്‍ കുത്തിയിരിന്നിരുന്നു. എന്നാല്‍ ഇപ്പോഴോ
ഈ യൂറോപ്യന്‍ ക്ലോസെറ്റ് വന്നതുകൊണ്ട് ഉണ്ടായ മാറ്റമേ ?
ടോയ്‌ലറ്റിലും കസേര പ്രയോഗം അവന്‍ നടത്തിയിരിക്കുന്നു
ഇനി ഇതില്‍ നിന്ന് - കസേര പ്രയോഗത്തില്‍ നിന്ന് നിങ്ങള്‍ക്ക് മാറിക്കൂടേ
ശ്രമിച്ചാല്‍ നടക്കാത്തതുണ്ടോ
സ്വന്തം വീട്ടില്‍ അഞ്ചുമിനിട്ടുനേരമെങ്കിലും നിലത്ത് ഇരുന്നുകൂടേ ഗസറ്റഡ് ഓഫീസര്‍ മാരേ
വൈകീട്ട് ടി വി ക്കു മുന്നിലിരിക്കുമോഴെങ്കിലും ഒന്നു കുന്തുകാലിലോ നിലത്തോ ഇരുന്നു കൂടെ പെങ്ങന്മാരേ
അതുമല്ലേങ്കില്‍ ചേട്ടന്മാരേ
നിങ്ങള്‍ കാലത്ത് പത്രം വായിക്കുമ്പോള്‍ കുന്തുകാലില്‍ ഇരുന്ന് മുഴുവന്‍ വാര്‍ത്തകളും വായിച്ചു രസിചോളൂ
എത്ര ആരോഗ്യ പ്രദം
കസേരകളെ വര്‍ജ്ജിക്കുക
അതാകട്ടെ നമ്മുടെ ആരോഗ്യമന്ത്രം ?
ക്വിറ്റ് കസേര ??
ജയ് തറ!
ജയ് കുത്തിയിരിപ്പ് !
പത്തു ദിവസം കുത്തിയിരുന്ന് ആരോഗ്യം വീണ്ടെടുത്തവര്‍ ഈ യുള്ളവന് ഇ മെയില്‍ അയക്കാന്‍ മറക്കല്ലേ